साउन ७ गते सानीभेरी नदीमा बगेर बेपत्ता भएका रुकुम पूर्वको सिस्ने गाउँपालिका वडा नम्बर ८ का छबिलाल पुनको शव फेला परेको छ । ३८ वर्षीय पुनको मंगलबार भेरी नगरपालिका १ जाजरकोट कालिकास्थित भेरी नदीको किनारामा शव फेला परेको प्रहरीले जानकारी दिएको छ । 

मलामी जानुभएका पुन सानीभेरी नदीमा नुहाउँने क्रममा बगेर बेपत्ता हुन भएको थियो । नदीमा बगेर बेपत्ता भए लगतै खोजी कार्य जारी राखिएकामा ३ दिन पछि मंगलबार शव फेला परेको जिल्ला प्रहरी कार्यालय रुकुम पूर्वले जनाएको छ । पुनको शव अहिले जिल्ला अस्पताल जाजरकोटमा राखिएको प्रहरीको भनाई छ ।