रुकुम पश्चिमको मुसिकोट नगरपालिका वडा नम्बर ७ बाट बेवारिसे अवस्थामा रहेका ७ नाल भरुवा बन्दुक बरामद गरिएको छ । वडाको ग्याम्माखोला स्थित जंगलको बिचमा रहेको ओढारबाट बेवारिसे अवस्थामा रहेका अबैध भरुवा बन्दुक बरामद गरिएको जिल्ला प्रहरी कार्यालय रुकुम पश्चिमले जनाएको छ ।
अबैध भरुवा बन्दुक छ भन्ने सूचना आएपछि जिल्ला प्रहरी कार्यालयबाट प्रहरी निरीक्षक बिष्णुप्रसाद श्रेष्ठको कमाण्डमा खटिएको ९ जनाको प्रहरी टोलीले ७ नाल बन्दुक बरामद गरेको कार्यालयको भनाई छ । उक्त बन्दुक गयराती ८ बजेको समयमा बरामद भएको बताइएको छ ।
बरामद गरिएका बन्दुक जिल्ला प्रहरी कार्यालयमा राखिएको र अनुसन्धान कार्य चलिरहेको प्रहरीले जनाएको छ । प्रहरीले बेला बेला जिल्लाका विभिन्न ठाउँबाट अबैध भरुवा बन्दुक बरामद गरिरहेको छ । तर बन्दुक राख्ने व्यक्तिलाई भने अहिलेसम्म प्रहरीले पक्राउ गर्न सकेको छैन् ।
