गैर आवासीय नेपाली संघ राष्ट्रिय समन्वय परिषद सेसेल्स पूर्वी अफ्रिकाको चौंथो राष्ट्रिय महाधिवेशन सम्पन्न भएको छ । महाधिवेशनबाट नयाँ नेतृत्व चयन गरिएको छ । अध्यक्षमा पुनः रुकुम पश्चिमका मनोज बिक निर्वाचित हुनुभएको छ । संस्थापक उपाध्यक्ष समेत रहनुभएका बिक दोस्रो कार्यकालका लागि निर्वाचित हुनुभएको हो । 

उहाँ ११ वर्ष देखि सेसेल्समा पर्यटन क्षेत्रमा कार्यरत हुनुहुन्छ । रुकुम पश्चिमको मुसिकोट नगरपालिका ७ का बिक १५ वर्ष अघि रोजगारीको सिलसिलामा कतार जानुभएको थियो ।  त्यहाँ केही वर्ष काम गरेर उहाँ सेसेल्स जानुभएको थियो । उहाँ २०२१ देखि २०२३ सम्मको पहिलो कार्यकालका लागि गैर आवासिय नेपाली संघ राष्ट्रिय समन्वय परिषद सेसेल्सको अध्यक्ष बन्नुभएको थियो । 

अब भने उहाँले २०२६ सम्म अध्यक्ष भएर काम गर्न पाउनुहुने छ । दोस्रो कार्यकालका लागि निर्वाचित हुनुभएका बिकले खुसी व्यक्त गर्नुभएको छ । दोस्रो कार्यकाललाई उपलब्धिमुलक बनाउने गरी काम गर्ने उहाँको भनाई छ । 

महाधिवेशनबाट उपाध्यक्षमा छबी श्रेष्ठ, बलराम सिटौला र महिला उपाध्यक्षमा सबिता श्रेष्ठ, महासचिवमा पंकज श्रेष्ठ, सचिवमा ठगेन्द्र घर्ति मगर र एकराज सुबेदी, कोषाध्यक्षमा रुकबहादुर थापा र सह–कोषाध्यक्षमा खडकराज पुन मगर निर्वाचित हुनुभएको छ । युवा संयोजकमा राजेश फश्र्वान, महिला संयोजकमा मीना शिर्पाली र प्रवक्तामा मिरगेन्द्रजंग इंगनाम निर्वाचित भएको बताइएको छ । 

आइल्याण्ड संयोजक अन्तर्गत माहेमा प्रकाश गौतम, प्रास्लिनमा लोककुमार श्रेष्ठ, लादिगमा सोनी राई र सानु सिम्खडा चयन हुनुभएको छ । लेखा समितिहरुमा शिब रायमाझी, राजकुमार गिरी, थानेश्वर तिमल्सेना, उषा गुरागाईं र बिवश समाल मगर तथा अनुशासन समिति सदस्यहरुमा दुर्गाप्रसाद  पहाडी (रोशन), रामकृष्ण नेपाली र ओम शंकर लोहनी चयन हुनुभएको छ ।   

साथै सल्लाहकार प्रमुखमा दुर्गाबहादुर थापा, विशेष सल्लाहकारमा कोमलराज पाण्डे तथा गणेश खड्का, मनराज गुरुङ, अशोक अधिकारी, प्रेमबहादुर चन्द, दिपक चन्द ठकुरी र सुर्यबहादुर नेगी चयन भएको गैर आवासिय नेपाली संघ राष्ट्रिय समन्वय परिषद सेसेल्सले जनाएको छ ।