२४ औं अन्तराष्ट्रिय युवा दिवसका अवसरमा रुकुम पश्चिमको सदरमुकाम मुसिकोटमा रचना वाचन कार्यक्रम भएको छ । जिल्ला युवा समन्वय समिति रुकुम पश्चिमको आयोजनामा मुसिकोट खलंगामा रचना वाचन कार्यक्रम भएको हो । कार्यक्रममा डाक्टर राजकुमार भुजेलले रचना वाचन गर्नुभएको थियो । 

उहाँले देशभक्ति, माया प्रेम तथा समसामयिक विषयवस्तुमा आफुले सृजना गरेका गजल वाचन गर्नुभयो । डा. भुजेलले दुई दर्जन बढी रचना वाचन गरेको आयोजक जिल्ला युवा समन्वय समितिका अध्यक्ष भिमराज ओलीले जानकारी दिनुभयो । त्यस्तै कार्यक्रममा उपस्थित अन्य केही व्यक्तिहरुले पनि आफुले रचेका रचना वाचन गरेका थिए । कार्यक्रममा विभिन्न व्यक्तिहरुको उपस्थिति रहेको थियो ।