जिल्ला क्रिकेट संघ रूकुम पश्चिमकाे अध्यक्षमा दिपक बाँठा मगर निर्वाचित हुनुभएकाे छ  । आज मुसिकाेट खलंगामा भएकाे संघकाे पहिलाे साधारण सभा एवं अधिवेशनले बाँठाकाे अध्यक्षतामा निर्विराेध नयाँ नेतृत्व चयन गरेकाे हाे ।जसकाे उपाध्यक्षमा गाेपाल लामिछाने, सचिवमा मनिष खड्का र काेषाध्यक्षमा नरबहादुर ओली निर्विराेध हुनुभएकाे छ । त्यस्तै सदस्यमा कुलप्रसाद ओली, नवराज बाँठा, अनिशेष केसी, बालकुमार नकाल र बिबश गिरी रहनुभएकाे छ ।

जिल्ला क्रिकेट संघ रूकुम पश्चिम तदर्थ समितिका अध्यक्ष दिपक बाँठामगरकाे अध्यक्षतामा भएकाे साधारण सभा तथा अधिवेशनमा नेपाल क्रिकेट संघका केन्द्रीय सदस्य तथा कर्णाली प्रदेश संयाेजक पदम खड्काकाे प्रमुख र जिल्ला खेलकुद विकास समितिका कार्यबाहक अध्यक्ष गाेविन्द ओलीकाे विशेष आतिथ्यता रहेकाे थियाे । त्यस्तै नेपाल पत्रकार महासंघका जिल्ला अध्यक्ष लक्ष्मण केसी, क्रिकेट संघ सुर्खेतका अध्यक्ष श्रीधर केसी, कालिकाेटका अध्यक्ष खड्कजंग शाही, जिल्लास्थित खेलकुद संघ संगठनका प्रमुख तथा प्रतिनिधि लगायतकाे उपस्थिति रहेकाे थियाे ।

कार्यक्रममा बाेल्दै क्यानका केन्द्रीय सदस्य खड्काले क्रिकेटकाे विकासका लागि सबैकाे भूमिका आवश्यक रहने बताउनुभयाे । क्यान तल्लाे तहसम्म क्रिकेटकाे विकासका लागि गम्भीर समेत बताउनुभयाे । उपाध्यक्ष गाेपाल लामिछानेकाे स्वागत मन्तव्य रहेकाे कार्यक्रमकाे संचालन सचिव मनिष खड्काले गर्नुभएकाे थियाे ।