रुकुम पश्चिमका एक युवा भारतको कृष्णनगर रेलस्टेसनबाट बेपत्ता भएका छन् । जिल्लाको मुसिकोट नगरपालिका ११ गोडबाङका ४० वर्षीय रविलाल नेपाली भारतको केरला जाने क्रममा कृष्णनगर रेलस्टेसनबाट बेपत्ता हुनुभएको हो । रोजगारीका लागि साउन १६ गते कान्छा छोरा सहित स्थानीय ४, ५ जनासंग भारतको केराला हिड्नुभएका उहाँ १८ गते कृष्णनगर रेलस्टेसनबाट सम्पर्क विहिन भएको परिवारजनले बताएका छन् ।

कान्छा छोरा सहितसंगै गएका स्थनीय केरला पुगेको र उहाँ भने १२ दिन पुग्दा पनि सम्पर्कमा नआएको रविलालकी श्रीमती सीता नेपालीले बताउनुभयो । जेठा छोरा पनि रोजगारीको सिलसिलामा केरला रहेको र सोही ठाउँ रोजगारीका लागि जाने क्रममा श्रीमान  बेपत्ता भएको उहाँको भनाई छ । 

उहाँको खोजी कार्यमा सहयोग गरिदिन परिवारजनले आग्रह गरेका छन् । उहाँलाई भेटाएमा ९७०२१७५५६६ मा सम्र्पक गरी सहयोग गर्न सीताले अनुरोध गर्नुभयो ।