बाँफिकोटको प्रवक्ता परिवर्तन
रुकुम पश्चिमको बाँफिकोट गाउँकार्यपालिकाले प्रवक्ता परिवर्तन गरेको छ । हिजो बसेको गाउँकार्यपालिका बैठकले वडा नम्बर ९ का अध्यक्ष जोगबहादुर चन्दलाई गाउँकार्यपालिकाको प्रवक्ताको जिम्मेवारी तोकेको छ ।
यसअघि गाउँकार्यपालिकाको प्रवक्तामा वडा नम्बर २ का अध्यक्ष प्रकाश खत्री रहनुभएको थियाे । १ वर्ष बढी गाउँकार्यपालिका प्रवक्ताको जिम्मेवारी सम्हाल्नुभएका खत्रीलाई हटाएर चन्दलाई प्रवक्ताको जिम्मेवारी तोकिएको हो ।
खत्री नेपाली कांग्रेसबाट निर्वाचित हुनुभएको थियो भने चन्द नेकपा माओवादी केन्द्रबाट निर्वाचित हुनुभएको हो । बाँफिकोटमा गाउँपालिका अध्यक्ष र दुई वडामा कांग्रेसले जितेको छ भने उपाध्यक्ष सहित ८ वडामा माओवादीबाट निर्वाचित भएका छन् । कार्यपालिकामा पनि माओवादीको बहुमत रहेको छ ।
प्रकाशित मिति: शुक्रबार, भदौ १, २०८० ०७:२७
प्रतिक्रिया दिनुहोस्
थप स्थानीय सरकार
साताको लोकप्रीय
