रुकुम पश्चिमको मुसिकोट नगरपालिका वडा नम्बर १ खलंगामा दिन दहाडै सुन चोरी भएको छ । त्रिभुवन जनता माध्यमिक विद्यालय नजिकैबाट दुई बालबालिकाको सुन चोरी भएको हो । आज दिउँसो विद्यालय नजिकै खेलिरहेका बेला २ जना बालबालिकाले   कानमा लगाएको सुन चोरी भएको हो ।

अन्दाजी ६/६ वर्षीया बालिका र बालकले कानमा लगाएको सुन चोरी भएको जिल्ला प्रहरी कार्यालय रुकुम पश्चिमका सुचना अधिकारी प्रहरी निरीक्षक बिष्णुप्रसाद श्रेष्ठले जानकारी दिनुभयो । उहाँका अनुसार दुई बालबालिकाले कानमा लगाएको दुई जोडा कानबाली चोरी भएको हो ।

बच्चाहरु खेलिरहेका बेला मोवाइलमा भिडिओ देखाएर बच्चाहरुलाई भुलाएर कानमा लगाएको सुन चोरी भएको बच्चाका अभिभावकले बताएका छन् । चाेरीकाे आराेपमा प्रहरीले एक युवकलाई पक्राउ गरेकाे छ ।