निरन्तरको वर्षासँगै आएको पहिरोले रुकुम पूर्वको सिस्ने गाउँपालिका वडा नम्बर १ मा रहेको नवज्योति मावि बल्लेचौरको विद्यालय भवनमा क्षति भएको छ । विद्यालय परिसर भन्दा माथिबाट झरेको पहिरोले विद्यालयको दुई कोठे भवन पूर्णरुपमा क्षति गरेको विद्यालयका प्रधानाध्यापक धनसिंह खड्काले जानकारी दिनुभयो ।

रातको समयमा पहिरो खसेका कारण मानविय क्षति नभएको उहाँको भनाई छ । पहिरो कारण विद्यालयमा करिब ६ लाख बराबरको क्षति भएको प्रअ खड्ककाले बताउनुभयो । अहिले पनि विद्यालयमा निरन्तर पहिरो खसिरहेको छ । उक्त विद्यालयमा दुई सय जना विद्यार्थी अध्ययरत छन् ।