१६ औं पुस्तकालय दिवसको अवसरमा रुकुम पश्चिमको मुसिकोट खलंगा बहुमुखी क्याम्पसमा कविता प्रतियोगिता संचालन गरिएको छ । क्याम्पसले आज बिहान क्याम्पसमा कविता प्रतियोगिता संचालन गरेको हो । प्रतियोगितामा क्याम्पसमा अध्यनरत विद्यार्थीहरुले प्रतिस्पर्धा गरेका थिए ।
जसमा ग्रयाजुयट स्कुल अफ एजुकेशन स्नातकोत्तर तह प्रथम सेमेस्टरका कविराम बुढाथोकी प्रथम, ग्रयाजुयट स्कुल अफ एजुकेशन स्नातक तह दोस्रो सेमेस्टरका दुर्गाप्रसाद विक र छैटौं सेमेस्टरका लक्ष्मी धिताल द्वितिय भएको मुसिकोट खलंगा बहुमुखी क्याम्पसले जनाएको छ ।
त्यस्तै प्रतियोगितामा ग्रयाजुयट स्कुल अफ एजुकेशन स्नातक तह तेस्रो सेमेस्टरका गंगा केसी तृतिय र तेस्रो सेमेस्टरकै धनिषा बाँठा मगर सान्त्वना भएको पूर्व क्याम्पस प्रमुख तथा क्याम्पसका उपप्रध्यापक मुकुन्दप्रसाद शर्माले जानकारी दिनुभयो । प्रतियोगितामा स्थान हासिल गर्नेलाई किताब र डायरी पुरस्कार दिइएको उहाँको भनाई छ ।
आज देशभरमा ‘पुस्तौ पुस्ताका लागि पुस्तकालय’ भन्ने मूल नाराका साथ १६ औं पुस्तकालय दिवस विभिन्न कार्यक्रमहरु गरी मनाइएको छ ।
