निजामती कर्मचारी दिवसकाे अवसरमा आयाेजित कर्मचारी विचकाे ब्याडमिन्टन प्रतियोगिता अन्तर्गत पुरूष तर्फ इश्वर रावल र डेविड रावलकाे जाेडी पहिलो भएकाे छ । खलंगाकाे बराहटाकुरा कबर्डहलमा भएकाे फाइनलमा हाेमबहादुर नेपाली र लक्ष्मण विककाे जाेडीलाई २-१ काे सेटमा पराजित गर्दै इश्वर र डेविडकाे जाेडी पहिलो भएकाे हाे ।

केहलविक्रम जिसी र प्रवेश परियार तथा जीवन बाेहरा र रमेश पुनकाे जाेडी शान्त्वना भयाे । कर्मचारी मिलन केन्द्रले आयाेजना गरेकाे प्रतियाेगितामा पुरूष तर्फ १६ जाेडी र महिला तर्फ ५ जाेडीले प्रतिस्पर्धा गरेका थिए । महिला तर्फकाे प्रतिस्पर्धा जारी छ । जिल्ला प्रशासन कार्यालयकाे सहयाेगमा कर्मचारी मिलन केन्द्र रूकुम पश्चिमले प्रतियाेगिता आयाेजना गरेकाे हाे ।