रुकुम पश्चिमको मुसिकोट नगरपालिका वडा नम्बर १ को विजयश्वरी सेकेन्डरी इङ्गलिस मिडियम बोर्डिङ्ग स्कुलले विविध कार्यक्रम गरी ५७ औं अन्तर्राष्ट्रिय साक्षरता दिवस मनाएको छ । “दिगो र शान्तिपूर्ण समाज निर्माणका लागि साक्षरताको प्रवद्र्धधन” भन्ने मुल नाराका साथ शुक्रबार साक्षरता दिवस मनाइएको हो । दिवसको अवसरमा स्कुलले तहगत रुपमा विभिन्न खेलकुद कार्यक्रम आयोजना गरेको थियो । 

प्रि प्राइमरी तहतर्फ हट पोटाटो, कक्षा १–३ तर्फ म्युजिकल चियर, कक्षा ४–५ तर्फ चम्चा दौड र कक्षा ६–१० तर्फ घैटोफोर प्रतियोगिता आयोजना गरिएको स्कुलले जनाएको छ । विद्यालय प्राङ्गणमा आयोजित प्रतियोगिताका विजेतालाई विद्यालय सञ्चालक तथा प्रिन्सिपल जय बहादुर थापाले पुरस्कार वितरण गर्नुभएको थियो । कार्यक्रमको सहजिकरण विद्यालय सहायक प्रशासक होमराज शाहीले गर्नुभएको थियो ।