नेपाल ब्याडमिन्टन संघकाे कर्णाली प्रदेश तदर्थ समिति गठन भएकाे छ । आज सुर्खेतमा भएकाे कर्णाली प्रदेश ब्याडमिन्टन संघकाे प्रथम भेलाबाट हुम्लाका टक्कबहादुर शाहीकाे संयाेजकत्वमा तदर्थ समिति गठन भएकाे हाे ।

शाही कर्णाली प्रदेश खेलकुद परिषद् सदस्य समेत हुनुहुन्छ । सदस्यमा दैलेखका बिनाेदकुमार मल्ल, रूकुम पश्चिमका डम्बर थापा, कालिकाेटका बिरेन्द्रबहादुर शाही, सुर्खेतका महेश केशर खनाल, सल्यानका भरतकुमार बस्नेत र जाजरकाेटका जनक भडेल रहनुभएकाे छ ।

त्यस्तै अधिवेशनबाट नेपाल ब्याडमिन्टन संघकाे केन्द्रीय छैटाैं साधारण सभाका लागि २ जना केन्द्रीय प्रतिनिधि छनाेट गरिएकाे छ । रूकुम पश्चिमका डम्बर थापा र सुर्खेतका महेश केशर खनाललाई छनाेट गरिएकाे हाे ।