भारतको हिमाचल प्रदेश सिमला शिल्लाको ठियोगबाट एक नेपाली महिला बेपत्ता भएकी छन् । रुकुम पश्चिमको त्रिवेणी गाउँपालिका ४ कालीमाटीकी ३२ वर्षिया केशरा खड्का बेपत्ता हुनुभएको हो । ठियोगमा काम गर्दै आउनुभएकी खड्का सोमबार दिउँसो देखि सम्पर्क विहीन भएको केशराका श्रीमान् शिव खड्काले जानकारी दिनुभयो । श्रीमती सम्पर्क विहीन भएपछि सोमबार दिउँसोबाट नै खोजी कार्य गरिरहेको उहाँको भनाई छ ।

भारतमा पनि खोजी कार्य भइरहेको र नेपालमा पनि श्रीमतीको खोजी कार्य गर्दिन श्रीमान् शिवले आग्रह गर्नुभएको छ । फेला पार्ने जोकोहीले भारतको सम्पर्क नम्बर ७८०७५८४०३१ र नेपालको लागि ९८०८७२९२२१ मा सम्पर्क गरी सहयोग गरिदिन उहाँले आग्रह गर्नुभएको छ । बेपत्ता हुनुभएकी केशराका २ छोरा २ छोरी रहेका छन् । गत चैत महिनामा श्रीमान् श्रीमती रोजगारीको लागि भारत गएका थिए ।