रुकुम पश्चिमको मुसिकोट नगरपालिका वडा नम्बर ९ होलमा गयराती ११ बजेतिर परेको चट्याङ लागेर एउटा गाभिनी भैँसी मरेको छ । स्थानीय रुपलाल कठायतको ९० हजार मुल्य बराबरको गाभिनी भैँसी मरेको हो । पुसमा बियाउने भैँसी मरेको कठायतले बताउनुभयो ।

त्यस्तै चट्याङले कठायतको घरमा समेत क्षति गरेको छ । चट्याङले घरको भित्तामा प्वाल पार्नुका साथै बिजुलीका तार नष्ट गरेको पीडित परिवारले जनाएको छ । आज घटनास्थलमा प्रहरी तथा वडाका प्रतिनिधि पुगी मुचुल्का बनाएका छन् । पीडित परिवारले क्षतिपूर्तिका लागि अनुरोध गरेको छ ।