रुकुम पश्चिमको मुसिकोट नगरपालिका वडा नम्बर १० ले ५९ औं राष्ट्रिय बाल दिवसको अवसरमा वडाको एक विद्यालयका ५६ जना बिद्यार्थीलाई विद्यालय पोसाक वितरण गरेको छ । वडाको शान्ती नमुना आधारभूत विद्यालय डेलडाँडाका ५६ जना छात्र, छात्रालाई विद्यालय पोसाक उपलब्ध गराइएको वडाध्यक्ष धनबहादुर खड्काले जानकारी दिनुभयो । 

शुक्रबार एक कार्यक्रमका विच विद्यालयमा अध्यनरत सबै विद्यार्थीलाई पोसाक उपलब्ध गराइएको उहाँको भनाई छ । कोही पनि विद्यालय पोसाकबाट बञ्चित हुन नपरोस भनेर सबै विद्यार्थीलाई पोसाक वितरण गरिएको उहाँले बताउनुभयो । अव आर्थिक अभावमा कोही पनि विद्यार्थी पोसाक विहिन हुन नपर्ने वडाध्यक्ष खड्काले बताउनुभयो । 

पोसाक वितरण कार्यक्रममा वडाध्यक्ष खड्का, वडा सदस्य अनिराम कठायत, विद्यालय व्यवस्थापन समितिका अध्यक्ष सिमलाल ओली, शिक्षक, अभिभावकको सहभागिता रहेको थियो ।