रुकुम पूर्वको रुकुमकोटमा आयोजित खसी पुरस्कार रहेको ब्याडमिन्टन प्रतियोगिता रुकुम पश्चिमका इश्वर रावल र कविन्द्र पुनको जोडीले जितेको छ । आज सिस्ने गाउँपालिका वडा नम्बर ५ बाहुन्ठानामा अवस्थित दाहाल ब्याडमिन्टन कवर्ड हलमा भएको फाइनलमा रुकुम पूर्वकाे मदन बिसी र प्रकाश बुढामगरको जोडीलाई २–१ को सेटमा पराजित गर्दै इश्वर र कविन्द्रको जोडी प्रथम भएको हो ।

विजेता जोडीले १२ हजार बराबरको खसी जितेको छ । उपविजेता जोडीलाई भाले प्रदान गरिएको छ । तिजको अवसरमा दाहाल ब्याडमिन्टन कवर्डहले आयोजना प्रतियोगितामा रुकुम पूर्व र पश्चिमका गरी १२ वटा जोडीले प्रतिस्पर्धा गरेका थिए ।