रुकुम पश्चिमको चौरजहारी नगरपालिका वडा नम्बर १४ मा चट्याङ लाग्दा २ जना घाइते भएका छन् । वडाको बिकटियामा घर निर्माणको क्रममा चट्याङ लाग्दा स्थानीय ६३ वर्षीय वीरबहादुर पुन र ३२ वर्षीय तिलक ओली घाइते हुनुभएको हो ।

शनिवार अपराह्न ४ बजेतिर परेको चट्याङले पुन र ओली घाइते भएको चौरजहारी नगरपालिकाका प्रमुख पुष्प वादीले जानकारी दिनुभयो । उनीहरूको चौरजहारी अस्पतालमा उपचार भइरहेको छ । घाइतेको स्वास्थ्य अवस्था सुधारोन्मुख रहेको बताइएको छ ।

केही दिन देखि दिनहुँ जसो चट्याङ पर्दा इलेकट्रोनिक्स सामग्री, मानिस तथा पशु र घरमा समेत क्षति पुगिरहेको छ ।