रुकुम पश्चिममा खोलाले बगाउँदा एक जना बेपत्ता भएका छन् । जिल्लाको बाँफीकोट गाउँपालिका वडा नम्बर १ र २ मा पर्ने पुमा खोलाले बगाउँदा वडा नम्बर १ लागिमका ५७  वर्षीय हृदय  गिरी बेपत्ता हुनुभएको हो ।

दिउँसो १ बजे पिपलबाट घर फर्किने क्रममा खोलाले बगाउँदा गिरी बेपत्ता भएको जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक धर्मेन्द्र खड्काले जानकारी दिनुभयो । उहाँका अनुसार बेपत्ता गिरीको  प्रहरी चौकी पिपलको प्रहरी टोली र स्थानीयहरूले खोजी गरिरहेका छन् ।