गायक किरणबाबु पुनले नयाँ साङ्गीतिक कोसेली ‘पिपल बोट मुनि’ बजारमा ल्याउनुभएको छ । यो गीतमा पुन र चर्चित गायिका सञ्जीवनीले स्वर दिनुभएको छ । यो गीतका शब्द गायक पुनले नै लेख्नुभएको हो । म्युजिक भिडिओमा चर्चित गायक रामजी खाँड र मोडल करिष्मा ढकाल फिचर्ड छन् ।

यो गीतको निर्देशन खड्गबहादुर पुन (खबपु)ले गर्नुभएको हो । गीतमा माया प्रेमलाई दर्साइएको छ । रुकुम पश्चिमका गायक पुनको क्षितिज पारी उनको बस्तीमा सर्वाधिक चर्चित गीत हो । उहाँले थुप्रै गीत बजारमा ल्याउनुभएको छ । उहाँले स्वर तथा शब्द लेखेको धेरै गीतहरू चर्चित छन् ।