रुकुम पश्चिमको त्रिवेणी गाउँपालिका वडा नम्बर ७ लाई कार्यालय भवन निर्माण गर्न निःशुल्क जग्गा प्राप्त भएको छ । वडाका स्थानीय ३ जना मिलेर वडा कार्यालय भवन निर्माण गर्न निःशुल्क रूपमा जग्गा सहयोग गरेका हुन् । स्थानीय टिकाराम केसी, शिवहरि खड्का र नेबबहादुर खड्काले वडा कार्यालय निर्माण गर्न मेलपोखरीमा १ हजार ५ सय वर्ग मिटर जग्गा दान गर्नुभएको हो ।

टिकारामले ७ सय वर्ग मिटर, शिवहरिले ५ सय ५० वर्ग मिटर र नेबबहादुरले २ सय ५० वर्ग मिटर निःशुल्क जग्गा उपलब्ध बनाएको वडा अध्यक्ष धनबहादुर खड्काले जानकारी दिनुभयो । जग्गा झन्डै १५ लाख मूल्य बराबरको रहेको उहाँको भनाई छ । अव वडा कार्यालय भवन निर्माण गर्न सहज हुने वडा अध्यक्ष खड्काले बताउनुभयो ।

वडा कार्यालयले जग्गा दान गर्ने तीनै जनालाई धन्यवाद ज्ञापन गरेको छ । वडा कार्यालयको आफ्नै भवन नहुँदा भाडाकै घरबाट सेवा प्रवाह भइरहेको छ ।