इजरायलको युद्धमा ज्यान गुमाएका नेपालीहरूको शान्तीकाे कामना गर्दै रुकुम पश्चिमको सदरमुकाम मुसिकोट खलङ्गामा दीप प्रज्वलन गरिएको छ । मङ्गलवार साँझ खलङ्गाको त्रिवेणी चोकमा बैङ्क तथा वित्तीय संस्थाहरूको अगुवाइमा दीप प्रज्वलन गरिएको हो । दिवङ्गत नेपालीहरूको आत्माको चिर शान्तिको कामना गर्दै दीप प्रज्वलन गरिएको थियो । सहभागीहरूले मृतकप्रति श्रद्धाञ्जली समेत व्यक्त गरेका थिए ।

बैङ्क तथा वित्तीय संस्थामा कार्यरत व्यक्ति तथा अन्य व्यक्तिहरूको सहभागिता रहेको थियो । प्यालेस्टाइनको आतङ्कवादी समूह हमासले इजरायलमा आक्रमण गर्दा सुदूरपश्चिम विश्वविद्यालयबाट पढ्दै कमाउँदै कार्यक्रमका लागि इजरायल गएका १० जना नेपाली विद्यार्थीको मृत्यु भएको थियो ।