रुकुम पूर्वको पुथाउत्तरगंगा गाउँपालिका वडा नम्बर ११ सेरा बालुवाको हिमालय शृङ्खला चौँरी युवा क्लबको प्रथम अधिवेशन सम्पन्न भएको छ । क्लबको नयाँ नेतृत्व चयन गर्दै अधिवेशन सम्पन्न भएको हो । अधिवेशनबाट मिलनकुमार बुढा (दीपक)को अध्यक्षतामा १३ सदस्यीय नयाँ नेतृत्व चयन गरिएको छ । जसको उपाध्यक्षमा उदिमबहादुर बुढा, सचिवमा जीवन बुढा मगर, सह–सचिवमा प्रकाश बुढा मगर र कोषाध्यक्षमा सुनार बुढा मगर रहनुभएको छ ।

त्यस्तै दलित सदस्यमा कालीबहादुर बिक र महिला सदस्यमा मस्ता बुढा मगर तथा अन्य सदस्यहरूमा सुनिल बुढा मगर, साजन बुढा मगर, रमित बुढा मगर, राज बुढा मगर, अमित बुढा मगर ए र अमित बुढा मगर बि रहेको क्लबका निवर्तमान अध्यक्ष लक्ष्मण बुढामगरले जानकारी दिनुभयो । नयाँ नेतृत्व चयन सँगै जिम्मेवारी हस्तान्तरण समेत गरिएको छ ।

नयाँ पदाधिकारी र सदस्यहरूलाई बधाई तथा कार्यकाल सफलताको शुभकामना सहित सम्पूर्ण कागजात र क्लबको ३ लाख ६४ हजार ३५ रुपैयाँ बराबरको बैङ्क व्यालेन्सपनि हस्तान्तरण गरिएको निवर्तमान अध्यक्ष बुढाले बताउनुभयो । यो क्लबको स्थापना २०५२ सालमा भएको हो ।