रुकुम पश्चिमको त्रिवेणी गाउँपालिका वडा नम्बर ९ नुवाकोटमा बजार सरसफाइ गरिएको छ । द राइजिङ युवा क्लबको आयोजना तथा प्रहरी चौकी सेतिपोखरी र बजार व्यवसायीको उपस्थितिमा बजार सरसफाइ गरिएको हो । नुवाकोट डाँडामा रहेको बजार क्षेत्रलाई थप सुन्दर बनाउन आज सरसफाइ गरिएको द राइजिङ युवा क्लबका अध्यक्ष दीपककुमार रावलले जानकारी दिनुभयो ।

उहाँका अनुसार बजार क्षेत्रमा बर्सातको समयमा सडकमा भएको खाल्डाखुल्डी पुर्नुका साथै बजार आसपासको झाडी हटाइएको हो । त्यस्तै बजार क्षेत्र नजिकैका सडक क्षेत्रहरूमा सरसफाइ गरिएको छ । सरसफाइ कार्यक्रममा राइजिङ युवा क्लबका पदाधिकारी, सेतिपोखरीमा कार्यरत नेपाल प्रहरी, पसल व्यवसायी, लगायत स्थानीयको उपस्थिति रहेको थियो ।