मुसिकोट खलङ्गामा जारी पाँचौँ सिद्ध गुफा गोल्ड कपको सेमिफाइनल खेल भोली हुने भएका छन् । आज क्वाटर फाइनलका ३ खेल भएका छन् । जसबाट आयोजक सल्ले यूथ क्लब ए र बि तथा युनिक ब्वाइज एफसि सेमिफाइनल पुगेका छन् । आज भएको क्वाटर फाइनलमा आयोजक ए ले खलङ्गा लेजेन्डलाई पेनाल्टीमा २-१ ले, आयोजक बि ले माछिमि ए लाई २-० र युनिक ब्वाइजले एफ.सि कलेक्सनलाई १-० ले हरायाे । आयाेजक ए का भुवन नेपाली, आयाेजक बि का सञ्जय बिसी र युनिक ब्वाइजका शिशिर गिरी म्यान अफ द म्याच भए । 

क्वाटर फाइनलको अन्तिम खेलमा भोली मुसिकोट नगरपालिका र न्यु मुन लाइट बाेर्डिङ स्कुलका बिचमा हुने छ । यसको विजेताले फाइनल प्रवेशका लागि सल्ले बि टिमसँग खेल्ने छ । अर्को सेमिफाइनलमा सल्ले ए र युनिक ब्वाइज भिड्ने छन् । फाइनल खेल आइतवार हुने आयोजक सल्ले यूथ क्लबका अध्यक्ष भागिराम बाेहराले जानकारी दिनुभयो ।