रुकुम पश्चिमको बाँफिकोट गाउँपालिका वडा नम्बर ४ नेटा पोखरामा सञ्चालित पुरुष भलिबल प्रतियोगिता सम्पन्न भएको छ । बडा दसैँको अवसरमा कालिका युवा क्लबले आयोजना गरेको भलिबल प्रतियोगिता सम्पन्न भएको हो । खुला शुद्ध वडा स्तरीय भलिबल प्रतियोगिता चार दिनसम्म सञ्चालन भएको थियो । प्रतियोगितामा रुकुम पश्चिम र पूर्वका २० टिमले प्रतिस्पर्धा गरेका थिए ।

सोमबार भएको फाइनलमा रुकुम पूर्वको सिस्ने गाउँपालिका वडा नम्बर ३ लाई पराजित गरेर रुकुम पश्चिमको सानीभेरी गाउँपालिका वडा नम्बर ३ प्रथम भएको छ । प्रथम भएको सानीभेरी ३ ले नगद ५१ हजार रुपैयाँको साथमा कप मेडल र प्रमाण पत्र पाएको छ । यस्तै दोस्रो भएको सिस्ने गाउँपालिका वडा नम्बर ३ ले नगद ४१ हजार र तेस्रो भएको सिस्ने ८ ले नगद ३१ हजारको साथमा कम मेडल र प्रमाण पत्र प्राप्त गरेको कालिका युवा क्लबका सचिव डिल बहादुर विकले जानकारी दिनुभयो ।