जिल्ला ब्याडमिन्टन सङ्घ रुकुम पश्चिमका उपाध्यक्ष डम्बर थापा नेपाल ब्याडमिन्टन सङ्घको केन्द्रीय सदस्यमा निर्वाचित हुनुभएको छ । गयराति अबेर सम्पन्न नेपाल ब्याडमिन्टन सङ्घको केन्द्रीय अधिवेशनबाट रामजीबहादुर श्रेष्ठको अध्यक्षतामा सर्वसम्मत नयाँ नेतृत्व चयन गरिएको छ । जसको केन्द्रीय सदस्यमा रुकुम पश्चिमका थापा निर्वाचित हुनुभएको हो ।

ब्याडमिन्टन खेलाडी समेत रहनुभएका थापा केही वर्षदेखि जिल्ला ब्याडमिन्टन सङ्घमा हुनुहुन्छ । साथै उहाँ सामाजिक क्षेत्रमा पनि क्रियाशील हुनुहुन्छ । यसअघि आयोजित नेपाल ब्याडमिन्टन सङ्घको केन्द्रीय अधिवेशन विवाद हुँदा स्थगित भए पनि यस पटक भने सफल भएको हो ।