बाँफिकोट गाउँपालिकामा ३ जनामा कोरोना संक्रमण पुष्टि भएको छ । गाउँ कार्यपालिका सदस्य सहित ३ जनामा कोरोना संक्रमण पुष्टि भएको हो । संक्रमण पुष्टि हुनेमा २ पुरुष र १ महिला छन् । ८ नम्बर वडाका एक पुरुष र ४ नम्बर वडाका एक महिला र एक पुरुषमा कोरोना संक्रमण पुष्टि भएको हो । कार्तिक २ गते स्वाव संकलन गरी परीक्षणका लागि चौरजहारी पठाइएको थियो ।

हालसम्म जिल्लामा १ सय ६६ जनालाई कोरोना संक्रमण पुष्टि भएको छ । जसमध्य १ सय ३६ डिस्चार्ज भइसकेका छन् भने ३० जना सक्रिय संक्रमित छन् । सक्रिय संक्रमितमध्य सानीभेरी गाउँपालिकामा ११, चौरजहारी नगरपालिका १०, बाँफिकोट गाउँपालिकामा ४, आठबीसकोट नगरपालिकामा ३ र त्रिवेणि गाउँपालिकामा २ जना छन् ।

४ वडा सिल

कोरोना संक्रमित थपिएपछि बाँफिकोट गाउँपालिकाका ४ वडा सिल गरिएको छ । वडा नं. ४, ६, ७ र ८ आजदेखि अर्को निर्णय नहुदा सम्मका लागि गाउँपालिकाले ४ वडा सिल गरेको हो । कोरोना भाईरसलाई थप फैलिन नदिनका लागि वडा सिल गर्ने निर्णय भएको गाउँपालिकाले जनाएको छ ।