रुकुम पश्चिमको त्रिवेणी गाउँपालिका वडा नम्बर ३ खारामा रहेकाे किवानिज क्लबले भूकम्प पीडितका लागि राहत हस्तान्तरण गरेको छ । आइतबार आठबीसकोट नगरपालिकामा पुगेर नगरपालिकालाई चामल १३ बोरा, तेल १३ बोतल, प्राथमिक उपचारको औषधी १ पेटी हस्तान्तरण गर्नुका साथै जाजरकोटका केही भूकम्प पिडितलाई खाना पनि खुवाइएको क्लबका अध्यक्ष वीरबहादुर ओलीले जानकारी दिनुभयो ।

अध्यक्ष ओली सहित सचिव बिर्खबहादुर के.सी., त्रिवेणी गाउँपालिका ३ नम्बर ३ का अध्यक्ष दीपेन्द्रकुमार ओली, वडा सदस्य लोकेन्द्र के.सी., वडा नम्बर ६ का पूर्व वडाध्यक्ष राजेन्द्र पुन, शिक्षक गणेश ओली, गणेश बहादुर ओली, समाजसेवी हरिबहादुर खड्का, शेरबहादुर के.सी. हिरालाल के.सी., क्लबका सल्लाहकार सर्वजित् ओली, स्वास्थ्य सहायक प्रेमप्रकाश के.सी., समाजसेवी मीनराज ओली लगायतको टोलीले राहत सामग्री हस्तान्तरण गरेको हो ।