रुकुम पश्चिमको मुसीकोट नगरपालिका ७ साँखमा भलिबल र ब्याडमिन्टन प्रतियोगिता सुरु भएको छ । क्लव स्थापना तथा नयाँ वर्षको अवसर पारी मुसीकोट युथ क्लवको आयोजनामा खुला पुरुष भलिबल र पुरुष डबल ब्याडमिन्टन प्रतियोगिता सुरु भएको हो । भलिबलको विजेताले नगद ६२ हजार र उप विजेताले नगद ३३ हजार सहित कप, मेडल र प्रमाणपत्र प्राप्त गर्ने छ । तेस्रो स्थान हात पार्नेले १८ हजार प्राप्त गर्दा शान्त्वना हुने टिमले ७ हजार पुरस्कार पाउने आयोजक मुसीकोट युथ क्लवका अध्यक्ष देविलाल विकले जानकारी दिनुभयो ।
भलिबलमा उत्कृष्ट खेलाडि र उदयमान खेलाडि समेत चयन गरिने छ । उत्कृष्ट खेलाडिले नगद २ हजार ५ सय र उदयमान खेलाडिले नगद १ हजार ५ सय सहित मेडल र प्रमाणपत्र हात पार्ने उहाँले बताउनुभयो । त्यस्तै ब्याडमिन्टनमा विजेता जोडिले नगद २१ हजार, ट्रफि, मेडल र प्रमाणपत्र तथा उप विजेताले १० हजार, ट्रफि, मेडल र प्रमाणपत्र प्राप्त गर्ने छ । ब्याडमिन्टनमा सेमिफाईनल प्रवेश गर्ने २ जोडिलाई समान ३ हजार १ रुपैंयाले पुरस्कृत गरिने अध्यक्ष विकले बताउनुभयो ।
उत्कृष्ट खेलाडिले १ हजार, मेडल र प्रमाणपत्र जित्दा उदयमान खेलाडिले पनि समान १ हजार सहित मेडल र प्रमाणपत्र नै हात पार्ने आयोजकले जनाएको छ । प्रतियोगिता चैत्र ३१ गतेसम्म संचालन हुने बताईएको छ । भलिबलमा विभिन्न ठाउँका १० टिम र व्याडमिन्टनमा २४ जोडिले प्रतिस्पर्धा गरिहेका छन् ।
