सानीभेरी गाउँपालिका वडा नम्बर ३ को बेल्टापु खेल मैदानमा मैत्रीपूर्ण क्रिकेट प्रतियोगिता सम्पन्न भएको छ । मुसिकोट नगरपालिका र सानीभेरी गाउँपालिका बिचमा मैत्रीपूर्ण क्रिकेट भएको हो । टी–२० खेलमा सानीभेरी ८ विकेटले विजयी भएको छ ।
टस जितेर ब्याटिङको निम्तो दिएको सानीभेरीले मुसिकोट नगरपालिकालाई १८ ओभर ४ बलमा अल आउट गर्दै ७४ रनमा रोक्यो । मुसिकोटले सबै विकेट गुमाउँदै ७४ रन मात्र बनाएको थियो । मुसिकोटका लागि ओपनरद्धय रामकृष्ण परियार २ रन र विशाल गिरी ४ रन बनाएर आउट भयपछि दबाबमा आएको मुसिकोटका लागि अर्जुन परियार र दिलीप केसीले समान १३–१३ रन जोड्नु बाहेक अन्य ब्याट्सम्यानले दोहोरो अङ्कमा रन जोड्न सकेनन् ।
बलिङ तर्फ सानीभेरीका लागि भुवन भण्डारीले ३.४ ओभरमा १४ रन खर्चिएर सर्वाधिक ३ विकेट, धनेश खड्का र बालकुमार नकालले २–२ तथा लक्ष्मण ओली र टेकम भण्डारीले १–१ विकेट लिन सफल भएका थिए । ७५ रनको लक्ष्य पछ्याएको सानीभेरीले मात्र ८.४ ओभरमा लक्ष पुरा गर्यो । सानीभेरीका लागि छवि ओलीले सर्वाधिक २१ रन जोडे । टेकम भण्डारीले १६ तथा मनोज भण्डारी १९ रन बनाए ।
उत्साहपूर्ण रुपमा खेल सञ्चालन भएको खेल संयोजक छबिलाल विष्टले जानकारी दिनुभयो । खेलाडीको प्रतिभा प्रस्फुटन तथा नयाँ खेलाडीलाई उत्साह प्रदान गर्न खेलको आयोजना गरिएको उहाँले बताउनुभयो । आगामी दिनमा यस्ता किसिमका कार्यक्रमहरू गर्दै जाने समेत बताउनुभएको छ ।
