नेकपा एमालेको युवा संगठन राष्ट्रिय युवा संघ नेपाल रुकुम (पश्चिम) युवा संघ आठविसकोट नगरपालिका र बिद्यार्थी संगठन अनेरास्ववियु आठविसकोटले दुई दिने स्वयंसेवा गरिरहेको छ । सोमबार देखि सुरु भएको काम आजसम्म चल्ने छ । युवा संघ र अनेरास्ववियुले नगरपालिकाको नेपाल राष्ट्रिय मा.वि.थतसैनामा स्वयंसेवा गरिरहेका छन् ।

पहिलो दिन हिजो २ वटा अस्थायी टहरा निर्माण भएको युवासंघका जिल्ला अध्यक्ष नवराज मल्लले जानकारी दिनुभयो । त्यस्तै २ वटा टहराका लागि खाडल खन्ने, बाँस काट्ने र त्यसलाई ठड्याउने काम भएको उहाँले बताउनुभयो । भूकम्पले विद्यालयमा क्षति गरी पठनपाठनको अवस्था नभएपछि स्वयंसेवा मार्फत टहरा निर्माण गरिरहेको उहाँको भनाई छ । उहाँका अनुसार पठनपाठनका लागि टहरा र शौचालयको व्यवस्थापनको काम भइरहेको छ ।