सानीभेरी नदी किनारमा एक पुरुषको शव फेला परेको छ । रुकुम पश्चिमको सानीभेरी गाउँपालिका ३ मुलपानी स्थित सानीभेरी नदी किनारमा शव फेला परेको जिल्ला प्रहरी कार्यालय रुकुम पश्चिमले जनाएको छ । सडेको अवस्थामा शव फेला परेको जिल्ला प्रहरी कार्यालयका सूचना अधिकारी प्रहरी निरीक्षक बिष्णुप्रसाद श्रेष्ठले जानकारी दिनुभयो ।

शवकाे पहिचान हुन नसकेकाे उहाँकाे भनाई छ । सानीभेरी नदी किनारको छालमा घोप्टो परेको अवस्थामा लास तैरिरहेको छ भन्ने खबर पाएपछि सिम्ली प्रहरी चौकीको टोली घटना स्थलमा पुगेको थियो । अहिले उक्त शवलाई जिल्ला अस्पताल सल्लेमा राखिएको प्रहरीले जनाएको छ ।