छिवाङमा काठमाडौँ जाँदै गरेको रात्रि बस र ट्याक्टर ठोक्किँदा एक जना घाइते
घाइतेकाे अवस्था सामान्य ।
रुकुम पश्चिमको मुसिकोट नगरपालिका वडा नम्बर १३ छिवाङ चौतारामा काठमाडौँ जाँदै गरेको रात्रि बस र ट्याक्टर ठोक्किएका छन् । सानीभेरी गाउँपालिकाको सिम्लीबाट काठमाडौँ जाँदै गरेको रा १ ख ३१०९ नम्बरको बस र सोलाबाङबाट सिम्ली तर्फ गइरहेको रा १ त ३५२२ नम्बरको ट्याक्टर एक आपसमा ठोक्किएको प्रहरीले जनाएको छ ।
जिल्ला प्रहरी प्रमुख प्रहरी नायव उपरीक्षक नमराज भट्टराईका अनुसार उक्त दुर्घटनामा परि एक महिला घाइते भएकी छन् । घाइते हुनेमा सानीभेरी गाउँपालिका वडा नम्बर १ की ४५ बर्सिया कौशिला बिक रहेको र अवस्था सामान्य रहेको डिएसपी भट्टराईले बताउनुभयो । ट्याक्टर चालक फरार रहेका छन् भने बस चालक र बस तथा ट्याक्टर प्रहरी नियन्त्रणमा रहेको उहाँले जानकारी दिनुभयो ।
प्रकाशित मिति: बिहीबार, मंसिर २८, २०८० १०:१९
प्रतिक्रिया दिनुहोस्
थप समाज
-1732617497.jpg)
साताको लोकप्रीय
