आगामी माघमा काठमाडौंमा हुने प्रधानमन्त्री कप एकदिवसीय क्रिकेट प्रतियोगिताको लागि रूकुम पश्चिम जिल्ला स्तरीय छनाेट सुरू भएकाे छ । सानीभेरी गाउँपालिका वडा नम्बर ३ बेल्टापु खेल मैदानमा छनाेट सुरू भएकाे हाे । कार्यक्रमकाे सानीभेरी गाउँपालिका अध्यक्ष बिर्खबहादुर बिष्टले बलिङ गर्दै उद्घाटन गर्नुभयाे ।

छनाेटमा ४० बढी खेलाडी सहभागी छन् । सहभागी खेलाडीलाई चार समूहमा विभाजन गरेर खेल सञ्चालन भइरहेकाे जिल्ला क्रिकेट संघका अध्यक्ष दीपक बाँठा मगरले जानकारी दिनुभयाे । उहाँका अनुसार छनाेट कार्यक्रम भाेली शनिबार सम्पन्न हुने छ । यसबाट रूकुम पश्चिमकाे टिम निर्माण गरिने उहाँले बताउनुभयाे ।

उक्त टिमले कर्णाली प्रादेशिक छनाेटमा सहभागिता जनाउने अध्यक्ष बाँठा मगरले जानकारी दिनुभयाे । त्यसबाट कर्णाली प्रदेशकाे टिम निर्माण गरिने छ । उक्त टिमले माघ पहिलाे साता काठमाडाैंमा आयाेजना हुने प्रधानमन्त्री कप एकदिवसीय क्रिकेट प्रतियोगितामा प्रतिस्पर्धा गर्ने छ ।

जिल्ला स्तरीय छनाैट कार्यक्रमलाई सम्बाेधन गर्दै सानीभेरी गाउँपालिका अध्यक्ष बिष्टले सानीभेरी क्रिकेट खेलकाे विकासका लागि गम्भीर रहेकाे बताउनुभयाे । पछिल्लाे समय क्रिकेटकाे क्रेज बढिरहेकाे उल्लेख गर्दै उहाँले क्रिकेटकाे विकासका क्रिकेटका बारेमा अझ धेरैलाई बुझाउन आवश्यक रहेकाे बताउनुभयाे ।

साथै उहाँले गाउँपालिकाले क्रिकेटकाे विकासका लागि आवश्य सहयाेग गरिरहेको र आगामी दिनमा पनि निरन्तरता दिने बताउनुभयाे ।