रुकुम पूर्वको सिस्ने गाउँपालिकाको प्रशासनिक भवन निर्माण हुने भएको छ । ५ नम्बर वडामो गाउँपालिका भवन निर्माणको काम अघि बढाइएको छ । गाउँपालिका अध्यक्ष कुमारी बराल र उपाध्यक्ष गोबरधन बुढाले भवनको शिलान्याश समेत गर्नुभएको छ । २ बर्षभित्रै निर्माण सम्पन्न गर्ने गरी भवन निर्माण कार्य सुरु गरिएको हो । ५० कोठाको उक्त भवनबाट गाउँपालिकाले सम्पूर्ण सेवाहरु एकीकृत रुपमा प्रवाह गर्ने गाउँपालिका अध्यक्ष कुमारी बरालले जानकारी दिनुभयो ।

४ करोड ९७ लाखमा भवन निर्माण हुने भएको हो । आर्थिक बर्ष २०७८/०७९ मा भवन निर्माण गरिसक्ने गरी निर्माण कम्पनिसँग गाउँपालिकाले सम्झौता गरेको छ । गाउँपालिकाले आफ्नै स्रोत मार्फत प्रशासनिक भवन निर्माण गर्न लागेको हो । भवन निर्माणमा चालु आर्थिक बर्षमा २ करोड बजेट विनियोजन गरिएको छ भने आगमी आर्थिक बर्षमा ३ करोड बजेट विनियोजन हुने गाउँपालिकाले जनाएको छ ।