रुकुम पश्चिमको त्रिवेणी गाउँपालिकामा क्रिकेट क्लब गठन गरिएको छ । वडा नम्बर ६ स्थित दहबाङमा स्थानीय युवा, खेलाडी तथा खेल प्रेमीहरूको सहभागितामा भएको भेलाले १५ सदस्यीय त्रिवेणी क्रिकेट क्लब गठन गरेको हो । क्लबको अध्यक्षमा प्रेमप्रकाश मल्ल, उपाध्यक्षमा चन्द्रलाल डाँगी, सचिवमा कुवेर ओली, कोषाध्यक्षमा सङ्गम के.सी. र सह- सचिवमा प्रसाद बोहरा रहनुभएको छ ।

त्यस्तै सदस्यहरूमा रोशन बोहरा, चन्द्रप्रकाश रावल, नवीन खड्का, कमल ओली, दीपक के.सी., विकल्प ओली, शेखर बोहरा, विज्ञान बि.सी., अशोक विष्ट र प्रकाश बुढा रहेको क्लब अध्यक्ष मल्लले जानकारी दिनुभयो । गाउँ गाउँमा क्रिकेटको विकास गर्ने उद्देश्यका साथ क्लब स्थापना गरिएको उहाँको भनाई छ ।

तीन सदस्यीय सल्लाहकार समिति समेत गठन गरिएको छ । संयोजकमा गाउँपालिका अध्यक्ष गणेशकुमार के.सी. तथा सदस्यहरूमा ६ नम्बर वडाध्यक्ष भद्रबहादुर सिर्पाली र गाउँपालिकाका प्रमुख प्रशासकीय अधिकृत प्रेमबहादुर घर्ती रहेको सचिव कुबेर ओलीले बताउनुभएको छ ।

जिल्लामा पहिलो पटक क्रिकेट क्लब गठन गरिएको हो । २०७२ साल देखि नै जिल्ला क्रिकेट सङ्घ स्थापना भई क्रिकेट गतिविधि सञ्चालन भइरहेकामा क्लब भने पहिलो पटक स्थापना भएको हो ।