रुकुम पश्चिमको त्रिवेणि गाउँपालिकामा रहेको मयूर युवा क्लवले आफ्नो १५ औं वार्षिकोत्सवको अवसरमा आयोजना गरेको खुला डबल पुरुष ब्याडमिन्टन प्रतियोगितामा अनिल बुढा र डम्बर थापाको जोडि प्रथम भएको छ । वडा नं. २ को सिम्रुतमा आज बिहान भएको फाईनल खेलमा बिशाल विष्ट र अविनाश केसीको जोडिलाई २–० को सोझो सेटमा पराजित गर्दै अनिल र डम्बरको जोडि बिजेता बनेको हो । बिजेता जोडिले नगद २० हजार, कप, मेडल र प्रमाण पत्र हात पारेको छ । 

उप विजेताले नगद १५ हजार, कप, मेडल र प्रमाण पत्रमा चित्त बुझाएको छ । त्यस्तै भावेश बोहरा र सिद्धार्थ केसी तथा दिपक पुन र तेज ओलीको जोडि सेमिफाईनलसम्म पुग्दै शान्त्वना स्थान हात पार्न सफल भएका छन् । यि दुई जोडिलाई समान ५ हजार नगद, मेडल र प्रमाणपत्रले पुरस्कृत गरिएको छ । ब्याडमिन्टनमा विभिन्न ठाउँका २८ जोडिले प्रतिस्पर्धा गरेका थिए ।

क्लवले भलिबल लगायतका प्रतियोगिताहरु पनि आयोजना गरेको छ । उक्त प्रतियोगिता जारी रहेको क्लवका अध्यक्ष लक्ष्मण ओलीले जानकारी दिनुभयो । भलिबलमा १९ वटा टिमले प्रतिस्पर्धा गरिरहेका छन् ।।