रुकुम पश्चिमको सानीभेरी गाउँपालिका वडा नम्बर ४ रिम्नामा परम्परागत रूपमा लाग्दै आएको मेलाको अवसरमा आयोजित भलिबल प्रतियोगिताको उपाधि सानीभेरी गाउँपालिका वडा नम्बर ७ ले जितेको छ । आज भएको फाइनल खेलमा सानीभेरी ३ लाई हराउँदै सानीभेरी ७ प्रथम भएको हो । विजेता भएको सानीभेरी सातले नगद एक लाख एक हजार सहित ट्रफि, मेडल र प्रमाण पत्र प्राप्त गरेको मेला व्यवस्थापन समितिका अध्यक्ष नवीन ओली (यदु)ले जानकारी दिनुभयो । 

उहाँका अनुसार दोस्रो स्थान प्राप्त गर्ने सानीभेरी ३ ले नगद ७० हजार पाउँदा तेस्रो स्थान प्राप्त गर्ने आयोजक सानीभेरी ४ ले नगद ३५ हजार प्राप्त गरेको छ । विजयी टिम तथा खेलाडीलाई नगद सहित ट्रफि, मेडल र प्रमाण पत्र समेत प्रदान गरिएको छ । पुस २८ गतेबाट सञ्चालन भएको भलिबल प्रतियोगितामा रुकुम पश्चिम र जाजरकोटका १७ समूहले सहभागिता जनाएको आयोजकले जनाएको छ ।