रुकुम पश्चिमको सदरमुकाम मुसिकोट खलङ्गामा सञ्चालित साबिक रुकुम जिल्ला स्तरीय पुरुष डबल ब्याडमिन्टन प्रतियोगिता विशाल विष्ट र केहलबिक्रम जिसीको जोडीले जितेको छ । आज भएको फाइनलमा भावेश बोहरा र वकिलजंग शाहको जोडीलाई ३-२ को सेटमा पराजित गर्दै विशाल र केहलकाे जोडी विजेता बनेको हो ।

उसले नगद २५ हजार प्राप्त गरेको छ । उपविजेता भाेवश र वकिलकाे जोडीले १५ हजार जितेको छ । विजेता र उप विजेता दुवै जोडीले ट्रफि र मेडल तथा प्रमाण पत्र पाएका छन । रेड सञ्चार मिडिया एन्ड बहुउद्देश्यीय टेक्नोलोजी प्रालि रुकुम पश्चिमकाे आयोजनामा सञ्चालित प्रतियोगितामा सान्त्वना भएका सिद्धार्थ केसी र नवराज मल्ल तथा जितेन्द्र घर्तिमगर र दिपक बुढाथाेकीकाे जोडीले पाँच/पाँच हजार नगद, मेडल र प्रमाणपत्र प्राप्त गरेको छ ।

प्रतियोगिता हिजोबाट खलङ्गाको बराहटाकुरामा अवस्थित कवर्ड हलमा सञ्चालन भएको थियो । प्रतियोगिताको प्रथम पुरस्कार बाँफिकाेट गाउँपालिका ६ घर भई हाल अमेरिकामा रहनु भएका गाेर्ख कुसारी, उप विजेता पुरस्कार बाँफिकाेट गाउँपालिका वडा नम्बर ९ घर भई हाल अमेरिकामा रहनुभएका सूर्यप्रकाश शर्मा र सान्त्वना पुरस्कार शिक्षा विकास तथा समन्वय इकाई रुकुम पश्चिमका प्रमुख ताराप्रकाश पुन मगरले प्रायोजन गरेको प्रालिका सह प्रबन्धक विशाल विष्टले जानकारी दिनुभयो ।