रुकुम पश्चिमको चौरजहारी नगरपालिका वडा नम्बर ३ कुरल स्थित भेरी नदीको खोचमा बेवारिसे शव फेला परेको छ । बुधवार साँझ भेरी नदीको खोचमा काठमा अड्किएको अवस्थामा शव फेला परको हो । अन्दाजी ४०, ४१ वर्षीय पुरुष व्यक्तिको शव सडेको अवस्थामा फेला परेको जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक धमेन्द्र खड्काले जानकारी दिनुभयो ।

उहाँका अनुसार उक्त शवको पहिचान खुल्न सकेको छैन । मोटो शरीर, आर्मी पोसाक जस्तो टिसर्ट र निलो रङको ट्रयाक लगाएको व्यक्तिको शव फेला परेको प्रहरी निरीक्षक खड्काले जानकारी दिनुभयो । शव पोस्टमार्टमका लागि जिल्ला अस्पताल सल्लेको शव गृहमा राखिएको छ । शवको पहिचानको लागि जिल्ला प्रहरी कार्यालय रुकुम पश्चिमले सबैमा अनुरोध गरेको छ ।