रुकुम पश्चिमको बाँफिकोट गाउँपालिका स्तरीय दोस्रो राष्ट्रपति रनिङ शिल्ड वडा नं. ४ को बालकल्याण मावि सिम्तारुले जितेको छ । कुल ४६ अंक प्राप्त गरी बालकल्याण मावि सिम्तारु प्रथम भएको हो । त्यस्तै वडा नं. २ को जनकल्याण मावि जिपु र वडा नं. ३ को स्यार्पू ताल मावि दोस्रो भएका छन । यि दुवै विद्यालयले समान ४० अंक ल्याएका थिए ।

त्यस्तै वडा नं. ७ मा रहेको नेपाल राष्ट्रिय मावि ढारबाङ ३७ अंक सहित तेस्रो हुँदा वडा नं. ८ मा रहेको नेपाल राष्ट्रिय मावि दुली ३० अंकका साथ शान्त्वना भएको छ । पहिलो गाउँपालिका स्तरीय राष्ट्रपति रनिङ शिल्ड भने वडा नं. २ को जनकल्याण मावि जिपुले जितेको थियो । सबै विद्याका खेलकुद सकिएपछि आज एक कार्यक्रमका बिच रनिङ शिल्डको समापन गरिएको छ ।