रुकुम पश्चिमको त्रिवेणी गाउँपालिकाका प्रमुख प्रशासकीय अधिकृत समेत रहनुभएका सर्जक प्रेमबहादुर घर्ती (प्रेम संगम)को शब्द सिर्जना रहेको ‘तिमी त दुस्मन’ बोलको गीत बजारमा आएको छ । यस मार्मिक गीतमा चर्चित गायिका समीक्षा अधिकारीले स्वर दिनुभएको छ । 

मायामा हुने बिछोडको वियोगलाई गीत मार्फत प्रस्तुत गरिएको छ । आफूले चाहेको व्यक्तिले धोका दिँदा भोग्नु परेको पीडालाई गीतमा देखाइएको छ । यो गीत आज एभरेस्ट ग्यालरी नामक युट्युब च्यानल मार्फत सार्वजनिक गरिएको हो । यस गीतको भिडिओमा संगम कठायत, अनिता गिरी र सपना क्षेत्री फिचर्ड छन् । 

यस गीतमा सङ्गीत राजकुमार बगरको छ भने निर्देशन जनक सिंहले गर्नुभएको हो । घर्तीको शब्द सिर्जनामा यसअघि गजल गीत निदाउन सक्दिन बजारमा आएको थियो ।