रुकुम पश्चिमको एक रियल जोडी एक म्युजिक भिडिओमा देखिएका छन् । भिडिओ निर्देशक, इडिटर तथा मोडल राजकुमार पुन र मोडल रेणुका खड्का रियल जोडी हुन् । उनीहरूले केही समय अघि मात्र लगन गाँठो कसेका थिए । उनीहरू अभिनीत ‘मायाले बोलाउने’ बोलको गीत बजारमा आएको छ ।

यो गीतको शब्द सिर्जना र सङ्गीत राष्ट्रिय नाच घरका महाप्रबन्धक रुकुम पश्चिमकै किरणबाबु पुनले भर्नुभएको छ । गीतमा चर्चित गायिका अणु चौधरी र कुमार सानु पुनले स्वर दिनुभएको छ । यस गीतको निर्देशन राजकुमार पुनले नै गर्नुभएको हो भने निर्माण रेणुका खड्काले गर्नुभएको हो ।

यो गीतमा कोरियोग्राफि विजय बुढा मगरले गर्नुभएको छ । यो गीत राजकुमार फिल्म्स युट्युब च्यानलबाट सार्वजनिक गरिएको छ ।