नेपाल कम्युनिस्ट पार्टी निकट विद्यार्थी सङ्गठन अखिल (समाजवादी)को केन्द्रीय सदस्यमा रुकुम पश्चिमबाट पाँच जना परेका छन् । सङ्गठनको २३ औँ राष्ट्रिय सम्मेलनबाट रुकुम पश्चिमका पाँच जना केन्द्रीय सदस्यमा निर्वाचित भएका हुन् ।

निर्वाचित हुनेहरूमा प्रजित सी, रुकुम पूर्व पश्चिम इन्चार्ज धनु सी, रुकुम डि वान जिल्ला अध्यक्ष राकेश सी, रुकुम डि टु जिल्ला अध्यक्ष धनराज सी र रुकुम डि वान सचिव रिया सी रहनुभएको छ ।

वाल्मीकि क्याम्पस प्रदर्शनी मार्गमा उद्घाटन भएको सङ्गठनको सम्मेलन अन्तर्गत बन्द सत्र त्रिभुवन विश्वविद्यालय कीर्तिपुरको स्मृति भवनको हलमा पार्टी महासचिव विप्लव सी को प्रमुख आतिथ्यतामा भएको थियो । उक्त सम्मेलनले रुकुम स्थायी घर भई विभिन्न जिल्लामा कार्यक्षेत्र भएका ५ जनालाई निर्वाचित गरेको हो ।

सम्मेलनले  नरेन्द्र सी को अध्यक्षतामा एक ८१ सदस्यीय केन्द्रीय समिति निर्माण गरेको छ ।