नेकपा माओवादी केन्द्रको विद्यार्थी सङ्गठन अखिल क्रान्तिकारी चौरजहारीले शुक्रवार विभिन्न प्रतियोगिता आयोजना गरेको छ । सहिद सप्ताहको अवसरमा सङ्गठनले विभिन्न प्रतियोगिता आयोजना गरेको हो ।

सङ्गठनका जिल्ला सह सचिव प्रकाश डाँगीका अनुसार मावि स्तरीय खुला वक्तृत्वकला, मावि स्तरीय खुला हाजिर जवाफ र मावि स्तरीय खुला नृत्य प्रतियोगिता आयोजना गरिएको छ । वक्तृत्वकलाको शीर्षक जनयुद्धमा विद्यार्थीको भूमिका र अबको कार्यभार रहेको उहाँले बताउनुभयो ।

त्यस्तै नृत्य जनवादी देशभक्त, प्रगतिशील र क्रान्तिकारी गीतमा गर्नुपर्ने उहाँको भनाइ छ । एउटै विद्यालयबाट एउटै प्रतियोगितामा पनि धेरै विद्यार्थीले प्रतिस्पर्धा गर्न पाउने अखिल क्रान्तिकारी चौरजहारीले जनाएको छ । प्रतियोगिता हिमालय मावि खाेलागाउँकाे प्राङ्गणमा हुने सङ्गठनका नगर अध्यक्ष नवीन्द्र महताराले बताउनुभयो