रुकुम पश्चिमको मुसिकोट नगरपालिका ५ सेरिगाउँमा रहेको यमुनानन्द नमुना माध्यमिक विद्यालयमा सहिद सप्ताहको अवसरमा अखिल क्रान्तिकारी मावि मूल इकाई समितिले हाजिरजवाफ प्रतियोगिता सञ्चालन  गरेको छ । प्रतियोगितामा नवीन ओलीको समूह प्रथम, मदन बोहराको समूह दोस्रो, केशव बोहराको समूह तेस्रो र निता ओलीको समूह सान्त्वना भएको अखिल क्रान्तिकारीका जिल्ला समिति सचिव दुर्गाप्रसाद विकले जानकारी दिनुभयो ।

उहाँका अनुसार प्रतियोगितामा कक्षा ६ देखि १० सम्मका १२ समूहले प्रतिस्पर्धा गरेका थिए । विजेतालाई पुरस्कार सहित प्रमाणपत्र वितरण गरिएको सचिव विकले जानकारी दिनुभयो । मावि मूल इकाई समितिका अध्यक्ष सुवास अधिकारीको अध्यक्षतामा भएको कार्यक्रममा अखिल क्रान्तिकारीका जिल्ला समिति सचिव विक, प्रधानाध्यापक कमप्रसाद देवकोटा, सङ्गठनका जिल्ला सहसचिव पूजा विश्वकर्मा, जिल्ला सदस्य दीपक डाँगी, सङ्गठनका मुसिकोट नगर कार्यवाहक अध्यक्ष सुशान्त विश्वकर्मा लगायतको उपस्थिति रहेको थियो।