नेपाल कम्युनिष्ट पार्टी माओवादी केन्द्र निकट अखिल क्रान्तिकारीले जिम्मेवारी बाँडफाँड गरेको छ । एमालेसँगको एकता नभएपछि यो विद्यार्थी संगठनले केन्द्रीय पदाधिकारीदेखि केन्द्रीय सदस्य सम्मको जिम्मेवारी बाँडफाँड गरेको छ ।

जिम्मेवारी बाँडफाँड अनुसार रुकुम पश्चिमको इन्चार्जमा सुन्दर शर्मा र सह इन्चार्जमा तुलबहादुर देवकोटा तोकिएका छन् । रुकुम पूर्वको इन्चार्जमा रुपेन्द्र मल्ललाई तोकिएको छ । सह इन्चार्ज भने बनाइएको छैन । चैत १४ गते बसेको केन्द्रीय समितिको बैठकले संगठनलाई चुस्त बनाउन तथा संगठन परिचालनका लागि भनेर जिम्मेवारी बाँडफाँड गरेको जनाएको छ ।

यस अघिको राष्ट्रिय सम्मेलनबाट निर्वाचित टोलीको जिम्मेवारी हेरफेर तथा बाँडफाँड गरिएको जनाइएको छ । पार्टी एकता भएपछि माओवादी केन्द्रसँगै पार्टीका सबै भातृ तथा जनबर्गिय संगठनहरु पनि अस्तित्वमा आएका छन् ।