रुकुम पूर्वमा पेस्तोल सहित एक जना पक्राउ परेका  छन् । जिल्लाको भूमे गाउँपालिका वडा नम्बर ९ चुनबाङ स्थित गोठीखोलामा बस्ने ३९ वर्षिया नविन मल्ल भन्ने विश्वास मल्ललाई प्रहरीले पक्राउ गरेको छ । पेस्तोल र म्याग्जिन घरमा लुकाई छिपाई राखेको अवस्थामा बिहिबार दिउँसो ३ बजेको समयमा मल्ललाई पक्राउ गरिएको जिल्ला प्रहरी कार्यालय रुकुम पूर्वका सूचना अधिकारी प्रहरी निरीक्षक हरि भट्टराईले जानकारी दिनुभयो ।

मल्ललाई हातहरियार सम्बन्धि मुद्दामा जिल्ला अदालतबाट पाँच दिनको म्याद थप गरेर अनुसन्धान भइरहेको  जिल्ला प्रहरी कार्यालय रुकुम पूर्वले जनाएको छ ।