पत्रकार महेश केसीले वादी समुदायका घरपरिवारलाई कम्बल वितरण गर्नुभएको छ । उहाँले आफ्नो जन्म दिनको अवससरमा रुकुम पश्चिमको मुसीकोट नगरपालिका ४ सालघारीपाखाका ४ घर परिवारलाई कम्बल वितरण गर्नुभएको हो । प्रत्येक परिवारलाई १/१ वटाका दरले न्यानो कपडा कम्बल वितरण गरिएको पत्रकार केसीले बताउनुभयो । 

उहाँका अनुसार निम्न वर्गीय वादी समुदायका मानबहादुर वादी सहित चार घरपरिवारलाई कम्बल वितरण गरिएको हो । रुपान्तरण नेपाल रुकुम पश्चिमका अध्यक्ष मुकुन्द शर्माको सहयोग तथा आफ्नो जन्म दिनको उपलक्ष्यमा करिव १० हजार बराबरको कम्बल सहयोग गरिएको केसीले बताउनुभयो । 

जन्म दिनको अवसरमा फजुल खर्च गर्नुभन्दा थोरै भएपनि सामाजिक सेवा गर्ने उदेश्यले सहयोग गरिएको उहाँले बताउनुभयो । पत्रकार केसी विगत १ दशकदेखि रुकुमबाट सक्रिय रुपमा पत्रकारिता गर्दै आउनुभएको छ । रुकुम पुर्वको सिस्ने गाउँपालिका वडा नम्बर ३ पोखरामा जन्मिनु भएका उहाँ रुकुम पश्चिमको मुसीकोटबाट पत्रकारितामा क्रियाशिल हुनुहुन्छ । उहाँ कान्तिपुर टेलिभिजन र कान्तिपुर दैनिकमा आवद्ध हुनुहुन्छ भने पत्रकार महासंघ रुकुम पुर्वको उपाध्यक्ष समेत हुनुहुन्छ ।